د کتاب ارزونې کمېسیون نوبتي ناسته وشوه
دوشنبه(۱۴۴۷ هـ ق کال د شعبان ۲۱ مه) د اطلاعاتو او کلتور وزارت د کتاب ارزونې کمېسیون نوبتي ناسته د کمېسیون د مرستیال مولوي ضیاءالحق حقمل په مشرۍ ترسره شوه.
د ناستې په پیل کې د کمېسیون منشي د تېرې ناستې راپور وړاندې کړ او د کمېسیون لاستهراوړنې او فعالیتونه یې مثبت وارزول.
په دې ناسته کې د یو شمېر کتابونو په اړه لازمې پرېکړې وشوې، هغه کتابونو ته چې له اسلامي او افغاني ارزښتونو سره يې سمون درلود، د چاپ اجازه ورکړل شوه، همدارنګه د صادره او وارده ۱۴۹ ټوکه کتابونو په اړه هم لازمې پرېکړې وشوې.
د یادونې وړ ده، چې د ناستې په پای کې ۱۷ ټوکه هغه کتابونه چې کمېسیون ته د ارزونې په موخه راجع شوي وو، د کمېسیون غړو ته ووېشل شول، تر څو یې راپور په راتلونکې ناسته کې وړاندې کړي.
۲۰/۱۱/۱۴۰۴ ھـ ل
