نورستان کې د ماشومانو د ساتنې د حقونو په اړه یو ورځنی روزنیز سیمینار وړاندې شو
د نورستان اطلاعاتو او کلتور ریاست او اویک مؤسسې په ګډو همکاریو د ماشومانو د ساتنې د حقونو تر عنوان لاندې لسګونو تنو ځوانانو ته یو ورځنی روزنیز سیمینار وړاندې شو.
مسؤلینو د اسلام مبارک دین له نظره د ماشومانو د حقونو پر ارزښت خبرې وکړې او ویې ویل: د ماشومانو ساتنه او سالمه روزنه د یوې سالمې ټولنې د جوړېدو بنسټ جوړوي، اسلام د ماشومانو حقونو ته ځانګړې پاملرنه کړې ده، د مور غېږ د ماشوم لپاره لومړنۍ مدرسه ده او مور او پلار باید خپلو ماشومانو ته سالمه روزنه او مثبت چاپېریال برابر کړي.
د مسؤلینو په وینا؛ د اسلام ستر پیغمبر حضرت محمد (صلی الله علیه وسلم) به ماشومانو سره له مینې، مهربانۍ او نرم چلند څخه کار اخیسته، ماشومانو ته مثبته روحیه ورکول د هغوی پر ذهن او روان مثبت اغېز لري.
۱۴۴۷/۹/۲۲ هـ ق
