تخار کې د یوټیوب چینلونو له مسؤلینو سره د همغږۍ ناسته وشوه
د تخار اطلاعاتو او فرهنګ ریاست مسؤلینو د دې ولایت ځايي ادارو مسؤلینو او د یوټیوب چینلونو له مسؤلینو د همغږۍ ناسته وکړه.
د اطلاعاتو او فرهنګ رئیس د ټولنیزو رسنیو مسؤلینو او کاروونکو ته وویل: د اطلاعاتو او فرهنګ ریاست مسؤلیت لري، چې د دې ولایت د یوټیوب چینلونو د خپرونو بهیر وڅاري.
نوموړي د یوټیوب چینلونو مثبت فعالیت په ټولنه کې مهم وباله او ویې ویل: دغه ریاست هڅې کوي، چې د اسلامي امارت د اصولو او پالیسۍ مطابق د یوټیوب چینلونو ستونزې حل کړي. نوموړي د یوټیوب چینلونو له مسؤلینو څخه وغوښتل چې د اسلامي امارت د اصولو او پالیسۍ مطابق فعالیت وکړي.
په دې غونډه کې د یوټیوب چینلونو مسؤلینو د تخار د اطلاعاتو او فرهنګ ریاست له همکاریو څخه مننه وکړه او ویې ویل: له دې وروسته به خپل ټول فعالیتونه او خپرونې د اطلاعاتو او فرهنګ ریاست سره په بشپړه همغږۍ او د لوایحو، اصولو او د اسلامي امارت د پالیسۍ په نظر کې نیولو سره ترسره کوي.
۱۴۴۷/۱۱/۱۰ هـ ق
