د نیمروز والي د رسنيو له مسؤلینو او خبريالانو سره وکتل

wasim_admin
سه‌شنبه ۱۴۰۵/۷/۲۱ - ۱۴:۱۶
....

د نیمروز والي مولوي عبدالمنان محمود د اطلاعاتو او فرهنګ رئیس مفتي حبيب‌الله په شتون کې په خپل کاري دفتر کې د رسنیو له مسؤلینو او خبریالانو سره وکتل.
د نیمروز والي مولوي عبدالمنان محمود وويل: د رسنیو مسؤلین او خبریالان باید د اسلامي ارزښتونو په پام کې نیولو سره خپرونې جوړې او خپرې کړي، رسنۍ بايد حقايق روښانه او د ټولنې ستونزې تر مسؤلینو ورسوي. خبريالان بايد په خپلو رسنيزو فعاليتونو کې رښتينولي او امانت داري اساسي اصل وګرځوي او د ناسمو خبرونو د خپرولو څخه په کلکه ډډه وکړي.
همدارنګه د اطلاعاتو او فرهنگ رئیس مفتي حبيب‌الله الهام د رسنیو او خبریالانو سره د ښو اړیکو د پاللو او دوامداره همکاریو په برخه کې ډاډ څرګند کړ او ویې ‌ویل: د اسلامي امارت د بیا ځلي حاکمیت سره سم د رسنیز ډګر له کار کوونکو سره دوامداره میاشتنۍ ناستې ترسره کېږي، ترڅو د دوی ستونزې، غوښتنې او وړاندیزونه واورېدل شي او د اسلامي امارت د نشراتي پالیسۍ سره سم یې ملاتړ وشي.
په یاده لېدنه کې عبدالغفار عزیزي او بهرام حقمل د خبریالانو او د رسنیو د مسؤلینو په استازیتوب خبرې وکړې او د ښو اړیکو، همکاریو او همغږیو له امله د سیمه ییزو ادارې له مسؤولینو، په ځانګړې توګه د اطلاعاتو او فرهنگ ریاست له مسؤلینو څخه یې مننه وکړه، دوی ورته ناستې اړینې وګڼلې او د اسلامي ارزښتونو په پام کې نیولو سره یې د رسنیزو چارو ترسره کولو په برخه کې د پوره همکاریو ډاډ څرګند کړ.
په پای کې نيمروز والي د خبريالانو ستونزې او وړانديزونه واورېدل او د دوی د ستونزو د حل او وړاندیزونو ته د رسیدو ډاډ یې څرګند کړ.

۱۴۴۸/۵/۱ هـ ق

تازه خبرونه

شنبه ۱۴۰۵/۸/۲۳ - ۱۴:۳۷
Background image

کاپیسا کې له خبریالانو او د امارتي ادارو د مطبوعاتي مسؤلینو ترمنځ د همغږۍ غونډه وشوه

د کاپیسا د اطلاعاتو او فرهنګ ریاست له لوري د امارتي او خصوصي رسنیو د خبریالانو او د دغه ولایت د حکومتي ادارو د مطبوعاتي مسؤلینو ترمنځ د همغږۍ غونډه وشوه.
د کاپیسا د اطلاعاتو او فرهنګ. . .

شنبه ۱۴۰۵/۸/۲۳ - ۱۴:۳۰
Background image

نیمروز کې د ژورنالیستانو فکري، عقیدوي او د مسلکي ظرفیت لوړونې یو ورځنی سیمینار ترسره شو

د اطلاعاتو او فرهنګ وزارت د خپرونو چارو معینیت له لوري د نیمروز د اطلاعاتو او فرهنګ ریاست په همکارۍ، د خپرونو چارو معین ښاغلي مهاجر فراهي په شتون کې د ژورنالیستانو د فکري، عقیدوي او. . .

شنبه ۱۴۰۵/۸/۲۳ - ۱۱:۵۹
Background image

د آقچې ولسوالۍ ګڼ شمېر ځوانانو ته د ۱۷مې ګڼې فرمان تشریح شو

د جوزجان ولایت د اطلاعاتو او فرهنګ ریاست له لوري د آقچې ولسوالۍ په اکتید ښوونیز مرکز کې سلګونو ځوانانو ته د مشرتابه (حفظه‌الله) د ۱۷مې ګڼې فرمان، چې د ناوړه دودونو د مخنیوي په موخه صادر. . .

BACK TO NEWS